Letra da Música: I' Te Vurría Vasá - Peppino di Capri

Eh! Che bell'aria fresca,
ch'addore 'e malva rosa,
e tu durmenno staje
'ncopp'a sti ffronne 'e rosa!

'O sole, a poco a poco,
dint' 'o ciardino scenne,
e 'o viento passa e vasa
stu ricciulillo 'nfronte!

I' te vurría vasá.
I' te vurría vasá
ma 'o core nun mm''o ddice
'e te scetá,
'e te scetá!

I' mme vurría addurmí.
I' mme vurría addurmí
vicino ô sciato tujo,
n'ora pur'i',
n'ora pur'i'!

I' te vurría vasá.
I' te vurría vasá.

I' mme vurría addurmí.
I' mme vurría addurmí
vicino ô sciato tujo,
n'ora pur'i',
n'ora pur'i'!