Letra da Música: Vaak Verkeard - Normaal

Dinsdags noar de veemarkt, elke week opni-j
Hendrik zocht 'n melkkoe, d 'r stond 'n hele bi-j
Doar trof hi-j 'n koopman, den had wat hi-j zocht
Met Hendrik ku-j goed handelen, dus wier 't beest gekocht

Bi-j Appie op de markt, verget ze Hendrik neet
Doar werd de koop beklonken, i-j wet wel hoe dat geet
Hendrik dronk zien borrel, samen met wat bier
Gin benul van tied, hi-j raken an de zwier

refr.:
Moar dat wordt anders, dat gebeurt mien niet wear
Dat zeg Hendrik veur de zovolste kear
Ik geleuf dat hi-j 't nooit leart
Want nog steeds geet 't vaak verkeerd

's Avonds in de stal, wier Hendrik bi-j noa maf
Toen hi-j wol goan kieken, hoevol melk 't beest wel gaf
Hi-j begon te melken, moar niet met vol plezier
Want wat hi-j had gekocht, was gin koe moar 'n stier

refr.

Toe hi-j wear naor de markt ging, en doar de koopman trof
Schot Hendrik uut zien slof, hi-j zei dat is te grof
Wat i-j mien doar hebt angesmeard, dat is toch gin steil
Want waor 't gear, mos zitten hing 'n zak as 'n dweil

refr.